sariya » 23 сен 2016, 15:40
Хәйерле сәғәт, хөрмәтле курсты ойоштороусылыр, һабаҡташтар! Курс йөкмәткеһенең бай булыуы, һәр теманың, эш төрөнөң ентекле уйланыуы бик шатландырҙы. Минең үҙемә, шәхсән, электрон дәреслектәр ҡулланырға өйрәткән материалдар, диаграммалар эшләргә өйрәнеү бик ҡулай булды. Курс үтеү ауырлыҡ тыуҙырҙы, тип әйтә алмайым. Һәр нәмәгә өлгөрҙөм, үҙем өсөн байтаҡ яңылыҡ астым, өҫтәлмә белем эстәнем.Үҙемдән бер үтенес-тәҡдим дә өҫтәмәксемен. Һәр ҡайһыбыҙ ебәргән технологик карталарҙы, эш программаларын һ.б. бер урынға йыйып, төрлө йүнәлештә эшләгән мәктәптәр өсөн төркөмләп, интернет киңлектәре аша эҙләп табырлыҡ берәй нәмә уйлап сығарып булмай микән? Сөнки беҙ һәр ҡайһыбыҙ үҙ ҡаҙаныбыҙҙа ғына ҡайнайбыҙ. Ә был тәҡдим тормошҡа ашҡан сүрәттә, ваҡытыбыҙға күпме экономия булыр ине. Башҡа предметтарҙы ҡараһаң, интернетта һәр темаға әҙер дәрес өлгөләре бар. Беҙ ҙә шуға өлгәшһәк, бик йәтеш булыр ине.
Курсты ойоштороусыларға оло рәхмәт һүҙҙәре һәм һәр ҡайһыбыҙға ижади хеҙмәт насип булһын.