7-се дәрес
Минең көн режимым. Ҡылым.
Маҡсат: 1. Уҡыусыларҙың тема буйынса һөйләү һәм яҙма телмәрен үҫтереү.
2. Яңы һүҙ һәм һөйләмдәрҙе үҙләштереү.
3. Ҡылым темаһын нығытыу, уларҙы телмәрҙә дөрөҫ итеп ҡуллана белеү.
Уҡыусыларҙың эшмәкәрлегенең эш төрҙәре.
“Үҙем тураһында” темаһы буйынса һөйләү һәм яҙыу телмәрен артабан да үҫтереү. Тема буйынса уҡыусыларҙың һүҙлек байлығын арттырыу. Уҡыусылар үҙҙәренең көн режимы тураһында һөйләү, бер-береһе менән фекер алышыу. Ваҡытты рациональ файҙалана белеү тураһында һөйләшеү. Тема буйынса тәҡдим ителгән материалдарҙы үҙләштереү. Уҡыусы үҙ фекерен иркен еткерә алыуы, бер-береһе менән диалогка инеү һәм һорауҙарға яуап биреү. Һүҙлек, өҫтәлмә сығанаҡтар менән эшләү. Ижади характерҙағы эш төрҙәрен башҡарыу.
Грамматика буйынса ҡылым темаһын ҡабатлау, нығытыу.
Дәрес барышы
I. Артикуляцион күнегеү.
1. Бөгөнгө һауа торошо тураһында әнгәмә ҡороу.
II. Белемде актуалләштереү.
1. “Көҙ” темаһы тураһында белемдәрен арттырыу йәһәтенән шиғыр өҫтөндә эш үткәреү:
Сыбар балаҫтай
Аҡлан өҫтәре,
Анҡымай хәҙер
Сәскә еҫтәре.
Йәй йәмле булһа,
Емеше менән,
Ә көҙ бик матур
Унышы менән.
(С.Муллабаев)
2.Төркөмдә эш: “Көҙ” темаһы буйынса ҡайһы төркөм күберәк һөйләмдәр яҙыу. Һөйләмдәрҙе дөрөҫ итеп төҙөүҙәренә өлгәшеү.
2. 26-сы күнегеү. Исемдәрҙен килеш менән үҙгәрешен ҡабатлау һәм һөйләмдәге һүҙҙәр тәртибенә иғтибар итеү.
3. 27-28-се күнегеүҙәр буйынса эшмәкәрлек. Был күнегеүҙәр аша лексик һәм грамматик теманы билдәләү.
III. Яңы тема.
1. 31-се күнегеү. “Минең көн режимым” тексы буйынса уҡыусыларҙын көн режимы буйынса фекер алышыу. Көн режимын һаҡлау, уҡыусыларға үҙҙәренең һаулығын һаҡлау һәм үҙ эштәрен дөрөҫ планлаштыррға ярҙам итәсәк итеүен аңлатырға кәрәк.
2. 33-сө биттәге “Ҡылым” темаһын нығытыу күҙлегенән сығып, ҡағиҙәне уҡыу һәм миҫалдар ярҙамында нығытыу.
IV. Яны теманы нығытыу.
1. Үҙ көн режимы буйынса фекер алышыуҙы дауам итеп, 32-се күнегеүҙе башҡарыу. Уҡыусыларға бәйләнешле текст төҙөргә ярҙам итеү. Уларға бер-береһенә һорауҙар бирергә һәм дөрөҫ яуап бирергә өйрәтеү өҫтөндә эшмәкәрлекте дауам итеү.
2. Бындай эш төрөн дауам иттереп, 33-сө күнегеүҙе башҡарыу. Уҡыусылар ҡуйылған һорауға тулы һәм дөрөҫ итеп яуап бирергә өйрәтеүҙе дауам итеү.
3. Эш дәфтәре буйынса эш төрҙәре башҡарыу.
V. Рефлексив анализ. Баһалау.
Уҡыусыларҙын бер-берһенен эштәрен һәм уҡытыусынын баһалауы.
VI. Өйгә эш: 1. “Көҙ” темаһына 2 һөйләм яҙырға.
2.“Көҙ” темаһына 4 һөйләм яҙырға.