Новости

[elvira maratovna]

Второй день в Аургазинском районе Ильмухаметов Ахат Галимович проводит курсы для учителей башкирского языка и литературы.

[Сулейманов Р.Ф.]

Өфө ҡалаһының 29 - сы дөйөм белем биреү мәктәбенең башҡорт теле һәм әҙәбиәте уҡытыусыһы Әлфинә Шәмиғолова "Баш ҡала йыл уҡытыусыһы - 2016" конкурсында ҡатнашып, "Педагогик өмөт" номинацияһында еңеү яуланы. Йәш уҡытыусының бындай баҫҡысҡа күтәрелеүе осраҡлы түгел. Йыл башында ул БДУ - ның Диссертациялар яҡлау советында филология фәндәре кандидаты дәрәжәһенә этнографик лексика буйынса диссертацияһын юғары кимәлдә яҡланы.Ул бик күп ғилми мәҡәләләр (шул иҫәптән ВАК) авторы. Конкурс ваҡытында мин уның дәрестәрен, сығыштарын иғтибар менән тыңлап барҙым, уңыштарына ҡыуанып йөрөнөм.Әлфинә, афарин, барлыҡ өмөттәрҙе аҡланың!

"Педагогик өмөт" - ҙур аванс,
Хеҙмәт юлың матур башлана.
Исемдәрең бер саҡ, йәнә балҡып,
Ғорурланыр әле баш ҡала! Халҡыбыҙ һәм телебеҙгә хеҙмәт ит, еңеүсе! Рәсми оппонентың Фәнзил Саньяров.

[Сулейманов Р.Ф.]

26февральдә "Башкортстанның башкаласы укытучысы - 2016" педагогик осталык конкурсын ябу тантанасы үтте. Бу чарада конкурсның җиңүчеләре. призёрлары, башкалабызның киң педагогик җәмәгатьчелеге катнашты. Үзенчәлекле бу чарада конкурсның җиңүчеләре игълан ителде. Алар арасында шәһәребез мәктәпләренең башкорт һәм татар телләре укытучылары да бар иде. Бу куанычлы вакыйга булып тора. Башкалабыз ел укытучысы конкурсы җиңүчеләре республика күләмендә үткәреләчәк ел укытучысы конкурсында көчләрен сынаячаклар. Аларга уңышлар телибез.

[Сулейманов Р.Ф.]

Башҡортостан мәғарифты үҫтереү институтының башҡорт һәм башҡа туған телдәр, әҙәбиәттәр кафедраһы уҡытыусылары Ауырғазы районының башҡорт теле һәм әҙәбиәте уҡытыусылары өсөн 29 февраль - 4 мартта һөнәри үҫтереү курстары ойоштора. Улар барышында башҡорт теле һәм әҙәбиәтен уҡытыуҙың яңылыҡлы алымдары, ИКТ буйынса теоретик материал бирелә, практикаға айырыуса иғтибар бүленәсәк. Курстарға рәхим итегеҙ, коллегалар!

[Сулейманов Р.Ф.]

Башҡортостан мәғарифты үҫтереү институты доценты, Бөтә донъя башҡорттары IV ҡоролтайының башҡарма комитеты ағзаһы Фәнзил Саньяров Дүртөйлө ҡалаһы Назар Нәжми исемендәге башҡорт гимназияһы эше менән танышты. Уны гимназия директоры, ҡала башҡорттары ҡоролтайы рәисе Хөсәйенова Гөлшат Нибиулла ҡыҙы оҙатып йөрөнө. Гимназияла башҡорт теле һәм әҙәбиәтен уҡытыу юғары кимәлгә ҡуйылған. Н. Нәжми музейы эшләп килә.Әҙәби мөхит булдырылған.Зарипова Вероника, Камалова Руфина кеүек алдынғы уҡытыусылар ең һыҙғанып эшләй. Уҡыусыларҙың төрлө конкурстарҙа теләп ҡатнашыуы, ҡобайыр, шиғыр ижад итеүҙәре - гимназияла региональ материалды, крайҙы өйрәнеү эшенең һәйбәт ҡуйылыуы хаҡында һөйләй. Шуға күрә ошо йүнәлеш буйынса ҡала гимназияһы МҮИ - ның стажер майҙансығы булараҡ эш башларға тора. Коллективҡа уңыштар теләйек!

[Габитова З.Г.]

Хөрмәтле туған тел уҡытыусылары! "Башҡортостан уҡытыусыһы" журналының сираттағы һаны донъя күрҙе. Һеҙҙең иғтибарға ф.ф.д, профессор Р.Ә.Абуталипова "Тәүге башҡорт теле дәреслегенә -90 йыл", ф.ф.к, доцент Санъяров Ф.Б. "Бер телдән дә телем кәм түгел...", БР Мәғариф министры урынбаҫары В.Ф. Вәлиеваның "Башҡортостан Республикаһында милли мәғарифы: бөгөнгө торошо һәм перспективалары", Башҡортостан Республикаһының атҡаҙанған уҡытыусыһы, "Татар теле һәм әҙәбиәте йыл уҡытыусыһы -2015" республика конкурсы еңеүсеһе Риянова З.Х., "Алмашлык төркемчәләре. Зат алмашлыклары" дәрес эшкәртмәләре, Рауил Шаммасҡа - 85 йәш тулыу айҡанлы уның шиғырҙар шәлкеме һ.б. бай йөкмәткеле, кәрәкле мәҡәләләр тәҡдим ителгән.

[Сулейманов Р.Ф.]

Башҡортостан мәғарифты үҫтереү институтының башҡорт һәм башҡа туған телдәр һәм әҙәбиәттәр кафедраһы хеҙмәткәрҙәре профессор Зәкиә Ғәбитова, доценттар Әхәт Илмөхәмәтов һәм Фәнзил Саньяров Дурөйлө районы уҡытыусылары өсөн файҙалы курстар ойошторҙо.Был курстар тәрән уйланғанлығы, йөкмәткеһе менән айырылып торҙо. Мәҫәлән, Ф.Б. Саньяров 5 -се ҡала мәктәбенең 6 - сы класс уҡыусылары менән З. Биишеваның "Башҡорт теле" темаһына асыҡ дәрес бирҙе.Уҡытыусылар дәресте юғары баһаланы, ББФДС ҡуйған талаптарҙың ни рәүешле ғәмәлләштерелеүен үҙ күҙҙәре менән күрҙе. Бер төркөм уҡытыусылар (И.М. Фәтхетдинова, Ғ.Ә. Камалова, М.Х. Савченко һәм Ф.Б. Саньяров) Назар Нәжмиҙең тыуған ауылында булды, халыҡ шағирының йорт музейы менән танышты.Ф.Б. Саньяров үҙ тәъҫораттары менән уртаҡлашты, Назар Нәжмиҙең шиғырҙарын һөйләне. Музей методисы Жәлил Сабировҡа ҡайһы бер кәңәштәрен әйтте. Назар Нәжми ижадын өйрәнеүселәр бында йыш була икән. Шағир: "Мин үҙемә һәйкәл ҡуя алманым..." , - тип яҙһа ла, яҡташтары бынамын тигән һәйкәл ҡуйған бөйөк һүҙ оҫтаһына!

[Сулейманов Р.Ф.]

2016 йылдың 28 февралендә филология фәндәре кандидаты, Рәсәй федерацияһының һәм БАССР - ҙың атҡаҙанған уҡытыусыһы, СССР мәғариф отличнигы, РСФСР халыҡ мәғарифы алдынғыһы, ярты быуат Ҡырмыҫҡалы районының Үтәгән һигеҙ йыллыҡ мәктәбе директоры, башҡорт теле һәм әҙәбиәте уҡытыусыһы булып фиҙакәр хеҙмәт иткән Рим Сәйетбаттал улы Искәндәровтың тыуыуына 85 йыл тулды.Ул 1980 йылда "Сәғит Ағиш әҫәрҙәренең тел һәм стиль үҙенсәлектәре" темаһына диссертация яҡланы, бер нисә методик хеҙмәттәр, күп һанлы мәҡәләләр авторы булды."Башҡортостан уҡытыусыһы" журналының яҡын дуҫы ине, баҫманың йыл лауреаты. Утәгән һигеҙ йыллыҡ мәктәбендә крайҙы өйрәнеү музейы булдырып, уның эшен республика кимәлендә таратты. Республикала иң тәүге тел һәм әҙәбиәт кабинеты ойошторҙо. Ғүмере буйы илһамланып, әсә телебеҙҙе уҡытты.Хаҡлы ялға сыҡҡас, ауыл халҡы уны имам - хатип итеп һайланы.Тиҙ арала изге китапты өйрәнеп, матур мәҡам менән доға - аяттар уҡыны, район халҡына иман нуры сәсте. 6 айлыҡ сағында ағайыбыҙ етем ҡала (олатайым фажиғәле һәләк була(1930й.)) Бабайыбыҙ Усман Абдуллиндан балыҡсы һөнәренә өйрәнеп, аслыҡ йылдарында иҫән ҡала. Мин ғүмерем буйы Рим ағайымдан өлгө алдым, уға оҡшарға тырыштым, уҡытыусы һәм етәксе булырға өйрәндем. Ул өс тиҫәтәнән ашыу тел һәм әҙәбиәт уҡытыусыһы әҙерләне. Район методик берекмәһен бик оҙаҡ йылдар етәкләне. Бындай заттар халыҡ хәтерендә мәңге һаҡлана.
Фәнзил Саньяров.

[Люция Рифовна]

Эйе, курстар ҡыҙыҡлы һәм фәһемле булды. Үҙебеҙгә кәрәкле бик күп мәғлүмәт алдыҡ, кәйефтәр күтәрелеп китте. Уҡытыусыларыбыҙға ҙур рәхмәт!!!!

[Камалова Галима]

Дүртөйлө ҡалаһында башҡорт теле һәм әҙәбиәте уҡытыусылары өсөн ойошторолған курстар бөгөн дә дауам итте.Бөгөн беҙҙә Башҡортостан мәғарифты үҫтереү институты доценты, ф.ф.к., Башҡортостандың атҡаҙанған уҡытыусыһы, РФ,РБ мәғариф алдынғыһы, М. Өмөтбаев премияһы лауреаты Ф.Б.Саньяров сығыш яһаны.